Wednesday, September 28, 2022
Wednesday, September 28, 2022

HomeDaily Readsकेजीएफ च्याप्टर २ का अभिनेता नेपाल आएका हुन् ? यश र संजय...

केजीएफ च्याप्टर २ का अभिनेता नेपाल आएका हुन् ? यश र संजय दत्त काठमाडौँ आएको दाबी

कोभिड-१९ महामारीका कारण प्राय सुनसान दिने सिनेमा हलहरू पछिल्लो समय परिभराउन हुने गरेका छन् । केही स्वदेशी र विदेशी चलचित्रलाई दर्शकले रुचाएपछि हलहरूमा भीड देखिन सुरु भएको हो । नेपाली दर्शकलाई हलसम्म तान्नेमध्येकै एउटा चलचित्र हो, केजीएफ च्याप्टर २ । दक्षिण भारतीय चलचित्र केजीएफलाई नेपाली दर्शकले रुचाइरहेका यसका मुख्य अभिनेता यश र संजय दत्त नेपाल आएको दाबी गर्ने सामग्रीहरू सामाजिक संजालमा फैलिएका छन् । 

#princethapa_official नामक टिकटक आइडीमा पोस्ट गरिएको भिडियोमा अभिनेता यश र संजय दत्तले आफ्ना फ्यानहरूलाई अभिन्दन गरिरहेको दृश्य देखिन्छ । भिडियोको थमनेलमा दुबै अभिनेता काठमाडौँमा रहेको दाबी गरिएको छ । उक्त दृश्यतिर संकेत गर्दै थमनेलमा अंग्रेजी र नेपाली भाषामा लेखिएको छ, ‘यश र संजय दत्त काठमाडौँमा ।’

पोस्ट भएको तीन दिनमै दाबीसहितको उक्त भिडियोमा ६८ हजारभन्दा बढी टिकटक प्रयोगकर्ताले रियाक्ट गरिसकेका छन् भने भिडियोलाई साढे २ सयभन्दा बढी टिकटक प्रयोगकर्ताले सेयर गरिसकेका छन् । सोही दाबीसहितका अन्य भिडियो‍ पनि टिकटकमा पोस्ट गरिएको छ । 

#santoshma#sonua  नामक टकटक आइडीमा पोस्ट गरिएको भिडियोमा पनि माथिकै दाबी दोहोर्‍याइएको छ । यसबाट के प्रष्ट हुन्छ भने केजीएफ च्याप्टर २ का अभिनेता नेपाल आएको भन्ने दाबी सामाजिक संजालमा फैलिरहेको छ । भारतीय चर्चित अभिनेता नेपाल आएको भन्ने दाबी घातक नभएपनि आम दर्शकको भावनासँग जोडिएको विषय भएकाले हामीले उक्त दाबीमाथि तथ्यजाँच गरेका छौँ । 

तथ्यजाँच/प्रमाणीकरण

१४ अप्रिलमा नेपालभित्र रिलिज गरिएको केजीएफ च्याप्टर २ ले उहाँ आकर्षक व्यापार गरिरहेको छ । रिलिज हुनु अगावै केजीएफ च्याप्टर २ अग्रिम टिकट बिक्री गर्न सुरु भएको थियो । चिलचित्र रिलिज हुनु अगावै अग्रीम बुकिङले हाउसफुल भएको थियो । यसले के प्रष्ट पार्छ भने नेपालमा केजीएफ च्याप्टर २ को क्रेज ब्यापक छ । यही सन्दर्भमा साेही चलभित्रका प्रमुख अभिनेता यश र संजय दत्त नेपाल आएको दाबी सामाजिक संजालमा फैलाइएको हो ।

दाबीसहितको सामग्रीमा अभिनेता यश र संजय दत्त रहेको एउटा भिडियो देखिन्छ । सोही भिडियो भिडियोलाई आधार बनाएर केजीएफ च्याप्टर २ का  दुबै अभिनेता नेपाल आएको दाबी गरिएको छ । यही कारण हामीले सुरुमै भिडियोको वास्तविकता पत्ता लगाउने काममा जुट्यौँ । 

जाँचको सुरुमै हामीले ‘KGF Chapter 2’, ‘Yash’, ‘Sanjay Dutt’ ‘Fans’ लगायतका किवर्डहरू युट्युब लगायतका भिडियो माध्यमहरूमा सर्च गर्‍यौँ । पहिलो सर्च र केही भिडियोलाई नियालेपछि हामीले टिकटक भिडियोको मूल स्रोत पत्ता लगायौँ ।

Rocking Star Yash नामक युट्युब च्यानलमा केजीएफ च्याप्टर २ चलचित्रको प्रचारात्मक भिडियो पोस्ट गरिएको छ । ३ अप्रिलमा पोस्ट गरिएको उक्त भिडियोमा दिल्लीमा केजीएफ च्याप्टर २ को प्रचार गरिएको जानकारी दिइएको छ । युट्युबमा भिडियोको शीर्षक राखिएको छ,‘KGF Chapter 2 promotion at Delhi | Rocking Star Yash and Sanjay Dutt fans’ 

उल्लेखित तथ्यबाट के प्रष्ट हुन्छ भने माथि टिकटकमा दाबीसहित प्रस्तुत गरिएको दृश्य भारतको राजधानी दिल्लीको हो । तर, उक्त दृश्यलाई काठमाडौँ भनेर सामाजिक संजालमा फैलाइएको छ । अभिनेता यश र संजय दत्त केजीएफ च्याप्टर २ प्रचारका लागि काठमाडौँ आएका छैनन् । त्यसैले उक्त दाबी गलत र भ्रामक छ ।

निष्कर्ष 

अभिनेता यश र संजय दत्त केजीएफ च्याप्टर २ प्रचारका लागि काठमाडौँमा आएको भन्ने दाबी गलत छ । भारतको राजधानी दिल्लीको भिडियो राख्दै दुबै अभिनेता काठमाडौँमा भनिएको दाबी गलत र भ्रामक हो ।   

नतिजा : भ्रामक/असत्य

हाम्रा स्रोतहरू

Rocking Star YashKGF Chapter 2 promotion at Delhi

Onlinekhabar : केजीएफ च्याप्टर २  नेपालमा कीर्तिमानी व्यापार गर्ने संकेत


तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई ‌सम्पर्क गर्ने इमेल ठेगाना हो: checkthis@newschecker.co 


Aakash Chhetri
Aakash Chhetri
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.

LEAVE A REPLY

Please enter your comment!
Please enter your name here

Most Popular