Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
दाबी: नेपाल क्रिकेट संघ (क्यान)ले सन्दिप लामिछानेमाथि लगाएको प्रतिबन्ध फुकुवा भएको ।
तथ्य: क्रिकेट संघ (क्यान)ले सन्दिपलाई कुनैपनि अन्तर्राष्ट्रिय प्रतियोगितामा सहभागि नगराएको सन्दर्भमा दाबीसहितको सामग्री सामाजिक संजालमा पोस्ट गरिएको पाइयो ।
नेपाली क्रिकेट टोलीका पूर्वकप्तान सन्दिप लामिछालेसँग सम्बन्धित पोस्ट सामाजिक संजालमा फेला परेको छ । उक्त पोस्टमा नेपाल क्रिकेट संघ (क्यान)ले सन्दिप लामिछानेमाथि लगाएको प्रतिबन्ध फुकुवा भएको दाबी गरिएको छ ।
Gaurav_‼️ नामक टिकटक आइडीमा पोस्ट गरिएको भिडियोमा सन्दिप लामिछानेका केही तस्बिर जोडिएको छ । साथै भिडियोको थमनेलमा लेखिएको छ- ‘नेपाली क्रिकेट टोलीका पूर्वकप्तान सन्दिप लामिछाने नेपाल क्रिकेट संघ (क्यान)ले लगाएको प्रतिबन्ध फुकुवा भएको छ ।’
बलात्कार मुद्दामा दोषी ठहर भएका सन्दिप लामिछालेमाथि लगाइएको प्रतिबन्ध क्यानले फुकुवा गरेको हो त ? वास्तविकता पत्ता लगाउन हामीले तथ्यजाँच गरेका छौँ ।
तथ्यजाँच/प्रमाणिकरण
काडमाडौँ जिल्ला अदालतले २०८० पुसमा सन्दीप लामिछानेलाई बलात्कारको मुद्दामा दोषी ठहर गरेको थियो । जिल्ला अदालतका न्यायाधीश शिशिर ढकालको इजलासले सन्दिपलाई गौशाला २६ पीडितको फाइदा उठाएर बलात्कार गरेको ठहर गर्दै ८ वर्ष कैद सजायको फैसला गरेको हो ।
सन्दिप लामिछाले दोषी ठहर भएपछि उनलाई नेपाल क्रिकेट संघ (क्यान) ले पुन: निलम्बन गरेको थियो ।
अर्कोतर्फ भर्खरै नेपाल क्रिकेट संघ (क्यान) ले आइसिसी पुरुष टी–२० विश्वकप क्रिकेट प्रतियोगिता खेल्ने १५ खेलाडी घोषणा गरेको छ । उक्त सूचीमा चर्चित स्पिनर सन्दीप लामिछाने सन्दीपको नाम समावेश छैन ।
नेपाल क्रिकेट संघ (क्यान) अहिलेसम्म आधिकारिक रुपमा सन्दिप लामिछानेले कुनैपनि अन्तर्राष्ट्रिय खेल खेल्न पाउने/नपाउनेबारे आफ्नो धारणा सार्वजनिक गरेको छैन ।
बलात्कार मुद्दामा जिल्ला अदालत काठमाडौंबाट दोषी ठहर भएपछि उक्त फैसलामाथि सन्दीपले पुनरावेदन गरेका छन् । उक्त मुद्दा उच्च अदालतमा विचाराधीन छ ।
निष्कर्ष
नेपाल क्रिकेट संघ (क्यान)ले सन्दिप लामिछानेमाथि लगाएको प्रतिबन्ध फुकुवा भएकोबारे दाबी प्रमाणित भएन । क्रिकेट संघ (क्यान)ले सन्दिपलाई कुनैपनि अन्तर्राष्ट्रिय प्रतियोगितामा सहभागि नगराएको सन्दर्भमा उल्लेखित दाबीसहितको सामग्री सामाजिक संजालमा पोस्ट गरिएको पाइयो ।
नतिजा : भ्रामक
हाम्रा स्रोतहरू
समाचार, ratopati.com
समाचार, nayapatrikadaily.com
समाचार, annapurnapost.com
तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई सम्पर्क गर्ने इमेल ठेगाना हो: checkthis@newschecker.co
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
