Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
दाबी: सांसदहरुबीच ‘कुटाकुट’ भएको एवं संसदीय समितिमै ‘हानाहान’ भएको दाबी ।
तथ्य: सांसदहरुबीच संसदीय समितिमै ‘कुटाकुट’ र ‘हानाहान’ भएको दाबीसहित पोस्ट गरिएको भिडियो भ्रामक छ ।
सांसदहरुसँग सम्बन्धित एउटा भिडियो सामाजिक संजालमा फेला परेको छ । उक्त भिडियोमा सांसदहरुबीच ‘कुटाकुट’ भएको एवं संसदीय समितिमै ‘हानाहान’ भएको दाबी गरिएको छ ।
Prakash_chettri नामक टिकटक आइडीमा पोस्ट गरिएको भिडियोमा सांसदहरुबीच सवालजवाफ भइरहेको दृश्य देख्न सकिन्छ । भिडियोमा केही सांसदहरु आक्रोशमासमेत देखिएका छन् ।
उक्त भिडियोको थमनेलमा लेखिएको छ- सांसदहरुबीच भयो कुटाकुट, समितिमै भयो हानाहान । ‘राजकिशोर यादव र प्रेम सुवालबीच समिति बैठकमै चर्काचर्की (यादव जसपा नेपालका सांसद हुन् भने सुवाल नेमकिपाका सांसद हुन्) ‘
के सांसदहरुबीच संसदीय समितिमै ‘कुटाकुट’ र ‘हानाहान’ भएको हो त? भिडियोको वास्तविकता पत्ता लगाउन हामीले तथ्यजाँच गरेका छौँ ।
तथ्यजाँच/प्रमाणीकरण
सांसदहरुबीच ‘हानाहान’ भएको दाबीसहित पोस्ट गरिएको भिडियोमा भिडियोमा सांसदहरु राजकिशोर यादव र प्रेम सुवाल देखिएक छन् । उनीहरुबीच चर्काचर्की भइरहेको छ । यही आधारमा हामीले ‘समिति बैठक’ ‘चर्काचर्की’ लगायतका वाक्यांशको जाँच गर्यौँ ।
जाँचको नतिजास्वरुप Kantipur TV HD युट्युब च्यानलमा पोस्ट गरिएको भिडियो फेला पर्यो । ९ जनवरी २०२५ मा पोस्ट गरिएको भिडियोको शिर्षक छ- ‘जसपा नेपालका सांसद राजकिशोर यादव र नेमकिपाका सांसद प्रेम सुवालबीच चर्काचर्की’ ।
यद्यपी फेला परेको भिडियोमा सांसदहरुबीच ‘कुटाकुट’ वा ‘हानाहान’ भएको दृश्य देखिँदैन । थप जाँचका क्रममा Setopati नामक फेसबुक पेजमा पोस्ट गरिएको भिडियो फेला पर्यो ।
९ जनवरी २०२५ मा पोस्ट गरिएको भिडियोमा सांसद राजकिशोर यादव र प्रेम सुवालबीच संसदीय समिति बैठकमै चर्काचर्की भएको जानकारी दिइएको छ । यही भिडियोका केही दृश्यांशहरुलाई दाबीसहितको सामग्रीमा जोडिएको पाइयो । तर, यो भिडियोमा पनि सांसदहरुबीच ‘कुटाकुट’ वा ‘हानाहान’ भएको दृश्य देखिँदैन ।
फेला परेका भिडियोकै आधारमा थप जाँच गर्दा annapurnapost.com र onlinekhabar.com लगायतका संचार माध्यममा प्रकाशित समाचार फेला परे ।
२५ पुष २०८१ मा प्रकाशित समाचारमा अनुसार यादव प्रतिनिधिसभा अन्तर्गतको अन्तर्राष्ट्रिय सम्बन्ध र पर्यटन समितिका सभापति एवं जनता समाजवादी पार्टी (जसपा) नेपालका सांसद राजकिशोर यादव र नेपाल मजदुर किसान पार्टी (नेमकिपा) का सांसद एवं समितिका सदस्य प्रेम सुवालबीच सवालजवाफ जन्य समस्या देखिएको थियो ।
नेपाल वायु सेवा निगमको विमान सञ्चालन व्यवस्थापन तथा सेवा सञ्चालनका सम्बन्धमा छलफल चलिरहेका बेला सभापति यादव र सदस्य सुवालबीच चर्काचर्की भएको हो । बोल्ने समयका विषयमा असहमति भएपछि समितिमा सवालजवाफ भएको समाचारमा उल्लेख छ । अर्कोतर्फ संसदीय समितिमै ‘कुटाकुट’ र ‘हानाहान’ भएको दाबी कुनैपनि तथ्य-प्रमाणबाट प्रमाणित भएन ।
निष्कर्ष
सांसदहरुबीच संसदीय समितिमै ‘कुटाकुट’ र ‘हानाहान’ भएको दाबीसहित पोस्ट गरिएको भिडियो भ्रामक छ । सांसद राजकिशोर यादव र प्रेम सुवालबीच संसदीय समिति बैठकमै चर्काचर्की भएको जानकारी सत्य हो । यद्यपी सोही भिडियोमा ‘कुटाकुट’ र ‘हानाहान’ भएको दाबी भ्रामक छ ।
नतिजा : भ्रामक
हाम्रा स्रोतहरू
भिडियो, Setopati
समाचार, onlinekhabar.com
भिडियो, Kantipur TV HD
समाचार, annapurnapost.com
तपाईँले थाहा पाउनु भएको कुनै शंकास्पद खबर वा सूचनाबारे तथ्यजाँच, अनुसन्धान वा अन्य सुझावको लागि हामीलाई [email protected] मा इमेल गर्नुसक्नुहुनेछ अथवा हामीलाई 9999499044 नम्बरमा ह्वाट्सएप गर्नुहोस् । हामीलाई सम्पर्क गर्न तपाईं सम्पर्क पेजमा गएरसमेत फारम भर्न सक्नुहुनेछ ।
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
