Saturday, February 24, 2024
Saturday, February 24, 2024

HomeFact CheckFact Check: कागती, गहुँ, लसुन, ओखर र महले क्यान्सर निको पार्न सक्छन्?

Fact Check: कागती, गहुँ, लसुन, ओखर र महले क्यान्सर निको पार्न सक्छन्?

दाबी: कागती, गहुँ, लसुन, ओखर र महको सेवनले क्यान्सर रोग निको पार्न सकिने दाबी । 
तथ्य: कागती, गहुँ, लसुन, अखरोट र महको पेस्टको नियमित सेवनले केही महिनामै क्यान्सर निको हुन्छ भन्ने दाबी गलत छ । 

सामाजिक संजालमा क्यान्सर रोग सम्बन्धित एउटा दाबीसहितको सामग्री फेला परेको छ । उक्त सामग्रीमा कागती, गहुँ, लसुन, ओखर र महको सेवनले क्यान्सर रोग निको पार्न सकिने दाबी गरिएको छ ।

Ghumannte keto घुमन्ते नामक फेसबुक पेजमा पोस्ट गरिएको सामग्रीमा कागती, गहुँ, लसुन, ओखर र महको औषधिका रुपमा प्रस्तुत गरिएको छ । उक्त फेसबुक पेजमा पोस्ट गरिएको लामो स्ट्याटसको शिर्षकमा लेखिएको छ- ‘मुटु तथा क्यान्सर रोग निको पार्ने घरेलु ओखती : हरेकलाई लागुहुने, सबैको जानकारीका लागी अवश्य पढौं र सेयर गरौं ।’

लामो स्ट्याटसमा लेखिएको छ- 

मुटु तथा क्यान्सर रोग निको पार्ने घरेलु ओखती : हरेकलाई लागुहुने, सबैको जानकारीका लागी अवश्य पढौं र सेयर गरौं ।

हामीलाई रोगले असाध्यै च्याप्यो भने हामी एकै पटक अस्पताल पुगी हाल्छौं तर हामी कहिल्यै पनि यो सोच्दैनौंकी दिर्घ रोगको उपचार पनि घरमा नै गर्न सकिन्छ भनेर । मुटु तथा क्यान्सर रोग निको पार्ने घरेलु ओखती मुटुरोग बिशेषज्ञहरुले पत्ता लगाएको यो घरेलु ओखतीले मुटुरोग सँचो पार्नुका साथै क्यान्सर लाग्न दिदैन । यो घरेलु ओखतीले शरीरको संपूर्ण बेथाहरु निको पार्छ । यो ओखती मुटुरोग बिशेषज्ञहरुले आफ्ना बिरामीहरुको उपचारका लागि सिर्जना गरेका थिए । यो ओखतीले नशाहरु सफापार्ने, मुटुलाई सहयोग गर्ने,शरीरमा संक्रमणहुन नदिने, कलेजो सफा पार्ने, हृदयघात हुननदिने र अन्य खतरनाक रोगहरु समेत लाग्न दिदैन । आवश्यक सरदामहरु: १. कागती १५ वटा, २. गहुँ ४०० ग्रा, ३. लशुनको केस्रा १२ वटा, ४. ओखर ४०० ग्राम, ५. जैविक मह १ किलो ।

मानव स्वास्थसँग सम्बन्धित यस संवेदनशील दाबीमाथि हामीले तथ्यजाँच गरेका छौँ । जाँचपछि उक्त दाबी गलत रहेको तथ्य उल्लेखित प्रमाणले पुष्टि गरेका छन् ।

तथ्यजाँच/प्रमाणीकरण

कागती, गहुँ, लसुन, अखरोट र महको पेस्टको नियमित सेवनले केही महिनामै क्यान्सर निको हुन्छ भन्ने दाबी गलत छ । कुनै निश्चित खानाको सेवनले मात्रै क्यान्सर निको हुँदैन । क्यान्सर एक जटिल रोग हो, जसलाई व्यापक चिकित्सा उपचार चाहिन्छ । प्रायः शल्यक्रिया, केमोथेरापी, विकिरण थेरापी, इम्युनोथेरापी वा यी सबै उपचारको संयोजनबाट क्यान्सरको उपचार गर्न सकिन्छ । उल्लेखित उपचारहरू विधि वैज्ञानिक अनुसन्धानमा आधारित छन् । 

स्वस्थ आहार समग्र स्वास्थ्यको लागि महत्त्वपूर्ण छ र केही प्रकारका क्यान्सर जोखिमलाई कम गर्न त्यस्ता आहारले भूमिका खेल्न सक्छन् । फलफूल, तरकारी, सम्पूर्ण अन्न, दुबला प्रोटिन र स्वस्थ बोसो जस्ता सन्तुलित आहारले समग्र स्वास्थ्यलाई राम्रो गर्नुका साथै प्रतिरक्षा प्रणालीलाई बलियो बनाउन सक्छ । त्यसैले त्यस्ता खानाले क्यान्सर उपचारका साइड इफेक्टहरू व्यवस्थापन गर्न र उपचार प्रक्रियाको क्रममा स्वास्थ्य सुधार गर्न पनि मद्दत गर्न सक्छन् । तर, कुनैपनि आहारले मात्रै परम्परागत क्यान्सरको उपचार गर्न सक्दैनन् ।

कागती लगायत सिट्रस खानामा क्यान्सर रोक्न सक्ने यौगिकहरू रहेको जानकारी २०१९ मा प्रकाशित एउटा लेखले प्रदान गर्छ । तर, कागती नै क्यान्सरको सबैभन्दा प्रभावकारी औषधि हो भन्ने दाबी प्रमाणित हुँदैन । यस लेखले यो पनि जानकारी दिन्छ कि कागतीको नियमित सेवनले क्यान्सरसँग लड्ने क्षमता प्रदान गर्छ र क्यान्सर उपचारमा राम्रो प्रतिक्रिया दिनसक्छ । 

महमा एन्टिअक्सिडेन्ट, एन्टी इन्फ्लेमेटरी र एन्टी इन्फ्लेमेटरी गुण रहेको हुन्छ। यद्यपि, जैविक महले क्यान्सर निको पार्न सक्छ भन्ने कुनै वैज्ञानिक प्रमाण भेटिँदैन । अन्न खाने र क्यान्सरबीचको सम्बन्ध अनिर्णित रहेको कुरा पनि प्रमाणले देखाएका छन् ।

त्यस्तै अमेरिकन इन्स्टिच्युट अफ क्यान्सर रिसर्चका अनुसार लसुनमा रहेका एलियम यौगिकहरूले क्यान्सर विरोधी गतिविधि गर्दछन् । तर, लसुनलाई क्यान्सरको जोखिम कम गर्छ भन्ने तथ्यको पूर्ण अध्ययन भइसकेको छैन । यद्यपि, क्यान्सर रोकथामको लागि लसुन खाँदा राम्रो हुने अनुसन्धानमा उल्लेख छ । २०१८ मा प्रकाशित अर्को अनुसन्धानमा लसुनले क्यान्सर कोशिकाहरूको वृद्धिलाई रोक्न सक्ने जानकारी दिइएको छ ।

अर्कोतर्फ ओखर सम्बन्धी गरिएका अनुसन्धानले यसको सेवनबाट क्यान्सरको वृद्धि र अस्तित्वलाई रोक्न सक्छ भन्ने दाबी पुष्टि हुँदैन । क्यान्सर एक जटिल अवस्था हो, जसको लागि चिकित्सा निदान, उपचार र स्वास्थ्य सेवा पेशेवरसँग उपचार गर्नु उत्तम हुन्छ ।

दाबीसहितको सामग्रीका विषयमा हामीले भारतस्थित अपोलो हस्पिटलका वरिष्ठ क्यान्सर विशेषज्ञ डा.मनिष सिंघलसँग परामर्श गरेका छौँ । उनी भन्छन्,’स्वस्थ आहार खाँदा क्यान्सरको बृद्धिलाई रोक्न सकिन्छ ।’ त्यस्तै गुजरातको वडोदरास्थित एचसीजी क्यान्सर सेन्टरका ओन्कोलोजिस्ट डाक्टर सार्थक मोहरिर भन्छन्,‘विशेष आहार वा आहार परिमार्जनले क्यान्सर निको हुँदैन । क्यान्सरको उपचार गराइरहेका बिरामीहरूका लागि आहार धेरै महत्त्वपूर्ण छ र उनीहरूलाई आहार सल्लाहकारले तोके बमोजिम सबै म्याक्रो र सूक्ष्म पोषक तत्वहरूसँग सन्तुलित भोजन लिन सल्लाह दिइन्छ ।’

क्यान्सर एक जटिल रोग हो, जसको उपचारमा आहारको संन्तुलन महत्वपूर्ण हुन्छ । घरेलु उपचारमा मात्र भर पर्नु र उचित चिकित्सा उपचार नखोज्दा क्यान्सर निको नहुने अवस्थामा पुग्छ । क्यान्सर चाँडै बढ्ने र छोटो अवधिमा शरीरभर फैलिने रोग हो । क्यान्सर उपचारमा ढिला हुँदा अवस्था झनै बिग्रिने र उपचार गर्न गाह्रो हुनसक्छ । 

निष्कर्ष

कागती, गहुँ, लसुन, अखरोट र महको पेस्टको नियमित सेवनले केही महिनामै क्यान्सर निको हुन्छ भन्ने दाबी गलत छ । क्यान्सर एक जटिल रोग हो, जसलाई व्यापक चिकित्सा उपचार चाहिन्छ । घरेलु उपचारमा मात्र भर पर्नु र उचित चिकित्सा उपचार नखोज्दा क्यान्सर निको नहुने अवस्थामा पुग्छ ।  

नतिजा : गलत  

हाम्रा स्रोतहरू

Aicr.org
Uamshealth.com
Researchgate.net
Ncbi.nlm.nih.gov
Ncbi.nlm.nih.gov


(This article is published in collaboration with THIP Media)


तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई ‌सम्पर्क गर्ने इमेल ठेगाना हो: checkthis@newschecker.co 


LEAVE A REPLY

Please enter your comment!
Please enter your name here

Most Popular