के नरिवलको जट्टाले पायल्सको उपचार गर्न सक्छ ?

सामाजिक संजालमा स्वास्थ्य सम्बन्धित एउटा सामग्री फेला परेको छ । उक्त सामग्रीमा नरिवलको जट्टालाई जलाएर त्यसको खरानी खाँदा पायल्स निको हुने दाबी गरिएको छ । 

एउटा लिंकसहित पोस्ट गरिएको उक्त सामग्रीमा नरिवलको जट्टालाई ‘पायल्स (बवासीर)लाई एक हप्तामै सखाप पार्ने अचुक घरेलु औषधी’का रुपमा प्रस्तुत गरिएको छ । प्रस्तुत दाबी मानव स्वास्थ्यजस्तो सम्बेदनशील विषयमा गरिएकाले प्रस्तुत दाबीबारे हामीले जाँच गरेका छौँ ।  

तथ्यजाँच/प्रमाणीकरण

नरिवलको जट्टालाई जलाएर त्यसको खरानी खाँदा पायल्स निको हुन्छ भन्ने दाबी कुनै वैज्ञानिक प्रमाणले पुष्टि गर्दैन ।

नरिवलको जट्टामा लिग्निन तथा सेल्युलोजको मात्रा धेरै हुन्छ र जसका कारण क्यालोरीफिक भ्यालु उच्च रहने Pristyncare.com वेबसाइटमा प्रकाशित एक लेखमा उल्लेख गरिएको छ ।

नरिवलको जट्टामा एन्टी-इन्फ्लेमेटरी र एन्टिनोसिसेप्टिव औषधीय गुणहरू हुन्छन् । उक्त औषधीय गुणहरूले पायल्स रोग लाग्दा हुने दुखाइ र रगत बग्ने समस्यालाई कम गर्न सहयोग गर्दछ । 

फेला परेका केही प्रमाणहरूले अन्य वनस्पतिहरूमा पनि एन्टि-इन्फ्लेमेटरी र एन्टिनोसाइसेप्टिभ औषधीय गुणहरू रहेको देखाउँछन् । यी गुणहरूले पाइल्सको गम्भीरता कम गर्न मद्दत गर्छन् । तर यहाँ जे भनिएपनि नरिवलको जट्टाले पाइल्सको उपचार गर्न सक्छ भन्ने दाबी कुनै वैज्ञानिक प्रमाणले पुष्टि गर्दैन ।

निष्कर्ष

नरिवलको जट्टालाई जलाएर त्यसको खरानी खाँदा पायल्स निको हुन्छ भन्ने दाबी वैज्ञानिक रुपमा पुष्टि हुँदैन ।

नतिजा : भ्रामक 

हाम्रा स्रोतहरू 

National Library of Medicine

Pristyncare

Ncbi

(This article is published in collaboration with THIP Media)

तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई ‌सम्पर्क गर्ने इमेल ठेगाना हो: [email protected]