के दहीसँग बेसार र भातसँग लसुन सेवन गर्दा ‘ग्यास्ट्राइटिस’ निको हुन्छ?

सामाजिक संजालमा जनस्वास्थ्यसँग सम्बन्धित एउटा दाबीसहितको सामग्री फेला परेको छ । उक्त सामग्रीमा बिहानको खानामा दहीसँग एक चम्चा बेसार र भातसँग लसुनका तीनवटा पाेटी सेवन गर्दा ग्यास्ट्राइटिस निको हुने दाबी गरिएको छ ।  

Chanky abhay नामक टिकटक आइडीमा गरिएको प्रस्तुत दाबीसहितको सामग्री अहिले हटिसकेको छ । मानव स्वास्थ्यसँग सम्बन्धित यस दाबीसहितको सामग्रीमाथि हामीले तथ्यजाँच गरेका छौँ । 

तथ्यजाँच/प्रमाणीकरण

बिहानको खानासँग दहीमा एक चम्चा बेसार मिसाएर तथा भातसँग लसुनको तीनवटा पाेटी सेवन गर्दा ग्यास्ट्राइटिस निको हुन्छ भन्ने कुनै प्रमाण भेटिँदैन ।

ग्यास्ट्राइटिस हुनु भनेको पेटको सुरक्षात्मक प्रणाली सुनिनु हो । सामान्य ग्यास्ट्राइटिस बढ्यो भने अचानक पेट गम्भीर तरिकाले सुनिन्छ । 

क्रोनिक ग्यास्ट्राइटिसमा दीर्घकालसम्म पेटमा सूजन भइरहेको हुन्छ, जसलाई समयमै उपचार नगरे सुनिने प्रक्रिया वर्षौंसम्म लम्बिन सक्छ । इरोसिभ ग्यास्ट्राइटिस अवस्थाको एक सामान्य रूप हो । यो अवस्थाले सामान्यतया धेरै सूजन पैदा गर्दैन तर यसले पेटका विभिन्न भागमा रक्तस्राव र अल्सर निम्त्याउन सक्छ ।

ग्यास्ट्राइटिसको यही अवस्थामा बेसार, दही र लसुनमा एउटा रासायनिक संरचना हुन्छ, जसले ग्यास्ट्राइटिसलाई केही हदसम्म कम गर्न सक्ने उपलब्ध प्रमाणहरूमा उल्लेख छ । यद्यपि हामीले चामल अथवा भातमा त्यस्तो कुनै प्रमाण फेला पार्न सकेनौँ । तर, चामलको अत्यधिक सेवनले मुटुमा जलन र अल्सरसमेत हुन सक्ने एक अनुसन्धान पत्रले प्रष्ट पारेको छ ।

प्रस्तुत दाबीका विषयमा हामीले दिल्लीस्थित आकाश अस्पतालका ग्यास्ट्रोलोजिस्ट डा.शरद मल्होत्रासँग परामर्श गर्‍यौँ । डा.शरद मल्होत्रा भन्छन्,‘दाबी गरिएको प्राकृतिक उपचार भ्रामक हुन सक्छ र यसले पेटको समस्या निको गर्दैन । ग्यास्ट्राइटिस हुनुको कारणलाई हेर्दा यहाँ दिइएको सुझाव पेटको रोगमा प्रभावकारी छ कि छैन भन्ने जान्न जरुरी छ ।’

डा.शरद मल्होत्रा थप्छन्,‘केही ग्यास्ट्रोइटेस्टाइनल समस्याहरूका लागि धेरै घरेलु उपचारहरू छन् । तर, यसका लागि ग्यास्ट्रोलोजिस्टसँग परामर्श गर्नु राम्रो हुन्छ ।’

निष्कर्ष

ग्यास्ट्रोइटेस्टाइनल समस्या सामधानका लागि विभिन्न घरेलु उपचारहरूको प्रयोग गर्ने गरिन्छ । तर, बिहानको खानासँग दहीमा एक चम्चा बेसार मिसाएर तथा भातसँग लसुनको तीनवटा पाेटी सेवन गर्दा ग्यास्ट्राइटिस निको हुन्छ भन्ने दाबी प्रमाणित गर्ने कुनै प्रमाण भेटिँदैनन् ।

नतिजा : भ्रामक

हाम्रा स्रोतहरू 

(This article is published in collaboration with THIP Media)

तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई ‌सम्पर्क गर्ने इमेल ठेगाना हो: [email protected]