Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
दाबी: कुवेतमा आगलागी भएको तथा एकजना व्यक्ति बिल्डिङको छतमा फसेको दाबी (भिडियोसहित)
तथ्य: बहराइनको राजधानी सौक मनामामा घटेको घटनालाई भ्रामक दाबीसहित सामाजिक संजालमा पोस्ट गरिएको पाइयो ।
आगलागीसँग भएको भिडियो सामाजिक संजालमा फेला गरेको छ । उक्त भिडियोसँगै कुवेतमा आगलागी भएको तथा एकजना व्यक्ति बिल्डिङको छतमा फसेको दाबी गरिएको छ ।
Bharat Dahal नामक टिकटक आइडीमा पोस्ट गरिएको भिडियोमा आगलागी भइरहेको दृश्य जोडिएको छ । साथै आगलागी भएको बिल्डिङको छतमा एकजना व्यक्ति छटपटाइरहेको देखिन्छ । सोही भिडियोको थमनेलमा लेखिएको छ- ‘हिजो कुवेतको आगलागी घटनामा उहाँको उद्दार भयो कि नाई कसैलाई थाहा भए जानकारी गराउनु न ?’
प्रस्तुत दाबीसहितको भिडियोमा करिब ४० हजार टिकटक प्रयोगकर्ताले रियाक्ट गरिसकेका छन् । त्यस्तै सात सयभन्दा बढी प्रतिक्रिया आएको भिडियोलाई १६ सयभन्दा बढी टिकटक प्रयोगकर्ताले सेयर गरिसकेका छन् । यस तथ्यांकबाट के प्रष्ट हुन्छ भने दाबीसहितको भिडियो सामाजिक संजालमा व्यापक फैलिसकेको छ ।
के दाबीसहितको भिडियोमा देखिएको दृश्य कुवेतको आगलागी घटनासँग सम्बन्धित छ त ? भिडियोको वास्तविकता पत्ता लगाउन हामीले तथ्यजाँच गरेका छौँ ।
तथ्यजाँच/प्रमाणीकरण
कुवेतको दक्षिणी शहर मङ्गाफको एउटा आवासीय भवनमा २०२४ जुन १२ मा खतरनाक आगलागी भएको थियो । एनबीटीसी कम्पनीमा कार्यरत विदेशी श्रमिकहरू बस्ने भवनमा आगलागी भएपछि ४९ श्रमिकहरूको मृत्यु भएको हो । उक्त आगदालीमा केही नेपाली कामदारले भवनको झ्यालबाट हाम्फालेर ज्यान जोगाएको समाचार संचार माध्यमले प्रकाशित भएको छन् ।
सोही आगलागी भएको यही सन्दर्भमा एउटा भिडियो सामाजिक संजालमा पोस्ट गरिएको छ । उक्त भिडियो कुवेत आगलागीसँग सम्बन्धित रहेको दाबी गरिएको छ । जाँचका क्रममा हामीले दाबीसहितको भिडियोका केही दृश्यहरु स्क्रिनसट गर्यौँ र गुगल लेन्समा सर्च गर्यौँ ।
जाँचको नतिजास्वरुप कुवेतको दक्षिणी शहर मङ्गाफमा आगलागी भएकै दिन बहराइनको राजधानी सौक मनामामा आगलागी भएको समाचार फेला पर्यो । जाँचकै क्रममा NEWS OF BAHRAIN नामक युट्युब च्यानलमा पोस्ट गरिएको एउटा भिडियोसमेत भेटियो । १३ जुन २०२४ मा पोस्ट गरिएको भिडियोमा बहराइनको सिभिल डिफेन्स टोलीले आगलागीमा फसेका एक व्यक्तिको उद्दार गरेको जानकारी दिइएको छ ।
फेला परेको तथ्यबाट के प्रष्ट हुन्छ भने कुवेतको आगलागी भन्दै सामाजिक संजालमा फैलाइएको भिडियो बहराइनको आगलागीसँग सम्बन्धित छ ।
निष्कर्ष
कुवेतमा आगलागी भएको तथा एकजना व्यक्ति बिल्डिङको छतमा फसेको दाबीसहित सामाजिक संजालमा पोस्ट गरिएको भिडियो कुवेत आगलागी घटनासँग सम्बन्धित छैन । बहराइनको राजधानी सौक मनामामा घटेको घटनालाई भ्रामक दाबीसहित सामाजिक संजालमा फैलाइएको पाइयो ।
नतिजा : भ्रामक
हाम्रा स्रोतहरू
समाचार, bbc.com/nepali
भिडियो, NEWS OF BAHRAIN
समाचार, kantipurtv
तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई सम्पर्क गर्ने इमेल ठेगाना हो: [email protected]
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
