दाबी: घण्टी फूलको पात तथा फूलको सेवनले महिलामा हुने महिनावारी अनियमितता र पुरुषको नपुंसकता समस्या समाधान गर्छ ।
तथ्य: घण्टी फूलको प्रयोगले महिलामा हुने महिनावारी अनियमितता र नपुंसकता समस्या निको पार्न सक्छ भन्ने दाबीलाई प्रमाणित गर्ने कुनै वैज्ञानिक प्रमाण छैन ।
मानव स्वास्थ्यसँग सम्बन्धित एउटा दाबीसहितको भिडियो फेला परेको छ । उक्त भिडियोमा घण्टी फूलको पात तथा फूलको सेवनले महिलामा हुने महिनावारी अनियमितता र पुरुषको नपुंसकता समस्या समाधान गर्ने दाबी गरिएको छ ।
Yogi Somraj Ji Maharaj नामक फेसबुक पेजमा पोस्ट गरिएको भिडियोमा एक व्यक्तिलाई देख्न सकिन्छ । उनले घण्टी फूल देखाउँदै उक्त दाबी प्रस्तुत गरेका छन् । भिडियोको क्याप्सनमा लेखिएको छ- ‘घण्टी फूल (Shoe Flower, Chinese Rose) आफैँमा अद्भुत औषधि हो नपुंसकतामा यो सबैभन्दा बढी काम लाग्छ । जय गौमाता ।’
तथ्यजाँच/प्रमाणीकरण
घण्टी फूलले महिलामा हुने महिनावारी अनियमितता र नपुंसकता समस्या निको पार्न सक्छ भन्ने दाबीलाई प्रमाणित गर्ने कुनै वैज्ञानिक प्रमाण फेला परेन ।
घण्टी फूल वनस्पतिको वैज्ञानिक नाम बिस्कस रोजा-सिनेन्सिस हो । यो उष्णकटिबन्धीय वनस्पति हो, जसमा रातो, गुलाबी, पहेंलो र सुन्तलासहित विभिन्न रंगहरुका आकर्षक फूलहरू फूल्ने गर्दछन् । घण्टी फूलका केही प्रजातिहरू विभिन्न स्वास्थ्य लाभहरूको लागि परम्परागत चिकित्सा र हर्बल उपचारहरूमा प्रयोग गरिन्छ ।
महिलामा हुने महिनावारी अनियमितता हार्मोनल असंतुलन, तनाव र अन्तर्निहित चिकित्सा अवस्थाहरू लगायत विभिन्न कारणले निन्तिने गर्दछ । यसको उचित निदान र उपचारका लागि स्वास्थ्य सेवा पेशेवरसँग परामर्श गर्न आवश्यक छ । चिकित्सा मार्गदर्शन बिना महिनावारी अनियमितता उपचारको लागि घण्टी फूल वा अन्य जडीबुटी उपचारमा मात्र भर पर्नु सुरक्षित वा प्रभावकारी नहुन सक्छ ।
माथि उल्लेखित दाबीका विषयमा हामीले स्त्री रोग विशेषज्ञ डा.अनिता गुप्तासँग परामर्श गर्यौँ । उनका अनुसार अन्तर्निहित समस्या वा स्त्री रोगका कारणले महिनावारी अनियमितता हुन सक्छ । समस्याको पहिचान गरेर उपयुक्त उपचार गर्नुपर्ने उनी बताउँछिन् ।
अर्कोतर्फ घण्टी फूलको प्रयोगले पुरुषको नपुंसकता समाधान गर्न सक्छ भन्ने दाबीलाई प्रमाणित गर्ने कुनै वैज्ञानिक प्रमाण फेला परेन । घण्टी फूलले शुक्राणुको संख्या बढाउँछ र रगतमा टेस्टोस्टेरोन स्तर बढाउँछ सक्छ तर नपुंसकताको उपचारमा यसको प्रभावकारिता भने छैन ।
नपुंसकताको समस्या भएका व्यक्तिहरूले उचित निदान र उपचारको लागि स्वास्थ्य सेवा पेशेवरसँग परामर्श गर्नु आवश्यक छ । चिकित्सा मार्गदर्शन बिना नपुंसकताको उपचारको लागि घण्टी फूल वा कुनैपनि जडीबुटी उपचारमा मात्र भरपर्नु सुरक्षित वा प्रभावकारी नहुन सक्छ ।
दिल्लीमा कार्यरत सेक्सोलोजिस्ट डा.योगेश टण्डनले घण्टी फूलको प्रयोगले पुरुषको नपुंसकता समाधान गर्न सक्छ भन्ने दाबी गर्नु सही नभएको स्पष्ट पार्छन् ।
निष्कर्ष
घण्टी फूलको प्रयोगले महिलामा हुने महिनावारी अनियमितता र नपुंसकता समस्या निको पार्न सक्छ भन्ने दाबीलाई प्रमाणित गर्ने कुनै वैज्ञानिक प्रमाण छैन । महिनावारी अनियमितता र नपुंसकताको उपचारको लागि चिकित्सा मार्गदर्शन बिना घण्टी फूलमा मात्रै भरपर्नु सुरक्षित वा प्रभावकारी नहुन सक्छ ।
नतिजा : गलत
हाम्रा स्रोतहरू
रिसर्च लेख, ncbi.nlm.nih.gov
रिसर्च लेख, ncbi.nlm.nih.gov
रिसर्च लेख, ncbi.nlm.nih.gov
(This article is published in collaboration with THIP Media)
तपाईँले थाहा पाउनु भएको कुनै शंकास्पद खबर वा सूचनाबारे अनुसन्धान, खोज वा अन्य सुझावको लागि हामीलाई सम्पर्क गर्ने इमेल ठेगाना हो: checkthis@newschecker.co
