Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
दाबी: प्रधानमन्त्री केपी शर्मा ओलीको निधन भएको छ ।
तथ्य: प्रधानमन्त्री केपी शर्मा ओलीको निधन भएको दाबीसहित श्रद्धान्जली दिइएका पोस्टहरु गलत छन् ।
प्रधानमन्त्री केपी शर्मा ओलीको स्वास्थ्यसँग सम्बन्धित सामग्रीहरु सामाजिक संजालमा फैलिरहेका छन् । यही क्रममा प्रधानमन्त्री ओलीको निधन भएको दाबीसहित श्रद्धान्जली दिइएका पोस्टहरुसमेत फेला परेका छन् ।
Tiktok400533 नामक टिकटक आइडीमा पोस्ट गरिएको भिडियोमा प्रधानमन्त्री केपी शर्मा ओलीको निधन भएको दाबी गरिएको छ ।२७ जनवरी २०२५ मा पोस्ट गरिएको भिडियोमा प्रधानमन्त्रीको तस्बिर जोडिएको छ ।
उक्त तस्बिरको थनलेनमा लेखिएको छ- ‘केपी ओलीको २०८१ माघ १३ गते बेलुका ८ बजेर ३० मिनेटमा मृत्यु भएको छ, हार्दिक श्रद्धान्जली ।’
पोस्ट गरिएको एक दिनमै दाबीसहितको सामग्रीमा ३५ हजारभन्दा बढी टिकटक प्रयोगकर्ताले रियाक्ट गरिसकेका छन् । यही अवधिमा उक्त भिडियोमा ३१ सयभन्दा बढी प्रतिक्रिया आएको र १७ सयभन्दा बढी पटक सेयर भइसकेको छ ।
त्यस्तै सोही दाबीसहितको सामग्री Carezyboy20 नामक टिकटक आइडीमा पनि पोस्ट गरिएको छ । प्रधानमन्त्री ओलीको निधन भएको दाबीसहित श्रद्धान्जली दिइएको उक्त पोस्टलाई ८ हजारभन्दा बढी टिकटक प्रयोगकर्ताले रियाक्ट गरेका छन् ।
प्रस्तुत तथ्यांकबाट के प्रष्ट हुन्छ भने प्रधानमन्त्री ओलीको निधन भएको दाबीसहित श्रद्धान्जली दिइएका पोस्टहरु सामाजिक संजालमा व्यापक फैलिएका छन् । फैलिरहेको दाबीको वाक्तविकता पत्ता लगाउन हामीले तथ्यजाँच गरेका छौँ ।
तथ्यजाँच/प्रमाणीकरण
११ माघ २०८१ मा प्रधानमन्त्री केपी शर्मा ओली अस्वस्थ भएको समाचारहरु सार्वजनिक भए । स्वास्थ्यमा समस्या भएर आराम गरिरहेका प्रधानमन्त्री ओलीले चिकित्सकको सल्लाह बमोजिम टाडाका यात्राहरु रद्द गर्दै भर्चुअल सम्बोधन गरेका थिए ।
प्रधानमन्त्रीका प्रमुख स्वकीय सचिव राजेश बज्राचार्यलाई उदृत गर्दै ekantipur.com ले लेखेको छ- ‘प्रधानमन्त्रीज्यूलाई रुघाखोकीका कारण सामान्य ज्वरो आएको थियो । औषधि खाइरहनु भएको छ,डाक्टरले अझै तीन-चार दिन आराम गर्न सल्लाह दिएका छन् ।’
यही क्रममा प्रधानमन्त्री केपी शर्मा ओलीले महत्वपूर्ण कार्यक्रमहरुलाई भर्चुलन माध्यमबाटै सम्बोधन गरेका थिए । ११ माघ २०८१ मा प्रधानमन्त्रीले सिद्धबाबा सुरुङमार्ग ब्रेक थ्रु कार्यक्रमलाई भर्चुअल रूपमै काठमाडौंबाट उद्घाटन गरे । उनले भिडियो सम्बोधनसमेत गरेका थिए तर भिडियोमा प्रधानमन्त्री गम्भीर अवस्थ्य देखिन्थेनन् ।
अर्कोर्फ १४ माघ २०८१ मा प्रधानमन्त्री केपी शर्मा ओली सकुशल भक्तपुरको सूर्यविनायक नगरपालिकाको कटुञ्जेस्थित नवनिर्मित प्रशासकीय भवनको उद्घाटन गर्न पुगेका थिए । त्यहाँ उनले आफूलाई सामान्य रुघाखोकी लागेको भए पनि आईसीयूको तस्बिर सार्वजनिक गरेर भ्रम फैलाइएको प्रष्ट पारेका हुन् ।
यसअघि प्रधानमन्त्री केपी शर्मा ओलीले दुई पटक मृर्गौला प्रत्यारोपण गरिसकेका छन् । फागुन २०७६ मा नेपालकै शिक्षण अस्पतालस्थित मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा प्रधानमन्त्री केपी शर्मा ओलीको दोस्रो पटक मृगाैला प्रत्यारोपण गरिएको थियो ।
निष्कर्ष
प्रधानमन्त्री केपी शर्मा ओलीको निधन भएको दाबीसहित श्रद्धान्जली दिइएका पोस्टहरु गलत छन् । प्रधानमन्त्री ओली सामान्य अस्वस्थ भएको सन्दर्भमा उनको निधन भएको दाबी गर्ने भ्रामक पोस्टहरु फैलाइएको पाइयो ।
नतिजा : गलत
हाम्रा स्रोतहरू
समाचार, ekantipur.com
भिडियो, NepalTelevision
समाचार, annapurnapost.com
समाचार, kantipurtv
तपाईँले थाहा पाउनु भएको कुनै शंकास्पद खबर वा सूचनाबारे तथ्यजाँच, अनुसन्धान वा अन्य सुझावको लागि हामीलाई [email protected] मा इमेल गर्नुसक्नुहुनेछ अथवा हामीलाई 9999499044 नम्बरमा ह्वाट्सएप गर्नुहोस् । हामीलाई सम्पर्क गर्न तपाईं सम्पर्क पेजमा गएरसमेत फारम भर्न सक्नुहुनेछ ।
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
