Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
बस दुर्घटनासँग सम्बन्धित एउटा तस्बिर सामाजिक संजालमा फेला परेको छ । उक्त तस्बिरमा पहिरोका कारण त्रिशुली नदीमा बस खसेको र ३२ जना यात्रु बेपत्ता भएको दाबी गरिएको छ ।
Manojsah नामक टिकटक आइडीमा पोस्ट गरिएको तस्बिरमा एउटा बस नदीमा दुर्घटनाग्रस्त भएको दृश्य देख्न सकिन्छ । साथै उक्त तस्बिरमा हालसालै पहिरोका कारण त्रिशुली नदीमा बस खसेको जानकारी दिइएको छ ।
प्रस्तुत तस्बिरमा लेखिएको छ- ‘२०८१ असोज ११ गते राति ९:१२ बजे, फेरि पहिरोले त्रिशुली नदीमा बस खस्यो, ३२ जना बेपत्ता ।’
के दाबीसहित सामाजिक संजालमा फैलाइएको तस्बिर हालसालैको दुर्घटनासँग सम्बन्धित छ त ? तस्बिरको वास्तविकता पत्ता लगाउन हामीले तथ्यजाँच गरेका छौँ ।
तथ्यजाँच/प्रमाणीकरण
हालसालै (११ असोज २०८१) त्रिशुली नदीमा बस खसेको र ३२ जना यात्रु बेपत्ता भएको दाबीसहित पोस्ट गरिएको तस्बिरको जाँचका क्रमा हामीले गुगल लेन्स टुलको सहायता लियौँ । उक्त तस्बिरलाई रिभर्स इमेज सर्च गर्दा विभिन्न संचार माध्यममा प्रकाशित समाचारहरु फेला परे ।
धादिङको गजुरी गाउँपालिका-२ मा यात्रुबाहक बस दुर्घटनाग्रस्त भएको सामाचार Setopati मा पक्राशित छ । ६ भदौ २०८० मा प्रकाशित समाचार अनुसार काठमाडौंबाट पाेखरा हुँदै म्याग्दीको बेनी जाँदै गरेको प्रदेश ३-०१-००५ ख ९९५२ नम्बरको बस धादिङमा बिहानपख त्रिशूली नदीमा खसेको थियो ।
प्रस्तुत दुर्घटनाको समाचार shilapatra, nepal press, samadhannews लगायतका संचार माध्यममा पनि प्रकाशित भएका छन् ।
फेला परेको समाचारमा उल्लेख गरिएको तस्बिर र दाबीसहित सामाजिक संजालमा पोस्ट गरिएको तस्बिर एउटै हो । तर, यो तस्बिर हालसालैको दुर्घटनासँग सम्बन्धित छैन् ।
दाबीसहितको सामग्रीमा २०८१ असोज ११ गते ९ बजे पहिरोले त्रिशुली नदीमा बस खसेको जानकारी दिइएको छ । प्रस्तुत जानकारी कुनैपनि वर्तमान बस दुर्घटनासँग मेल खाँदैन ।
निष्कर्ष
बस दुर्घटनाको तस्बिरसहित सामाजिक संजालमा पोस्ट गरिएको दाबी भ्रामक छ । ६ भदौ २०८० मा धादिङको गजुरी गाउँपालिकामा यात्रुबाहक बस दुर्घटनाग्रस्त भएको तस्बिरलाई वर्तमान सन्दर्भमा पोस्ट गर्दै भ्रामक दाबी गरिएको छ ।
नतिजा : भ्रामक
हाम्रा स्रोतहरू
तस्बिर/समाचार, Setopati
तस्बिर/समाचार, shilapatra
तस्बिर/समाचार, nepal press
तपाईँले थाहा पाउनु भएको कुनै शंकास्पद खबर वा सूचनाबारे तथ्यजाँच, अनुसन्धान वा अन्य सुझावको लागि हामीलाई [email protected] मा इमेल गर्नुसक्नुहुनेछ अथवा हामीलाई 9999499044 नम्बरमा ह्वाट्सएप गर्नुहोस् । हामीलाई सम्पर्क गर्न तपाईं सम्पर्क पेजमा गएरसमेत फारम भर्न सक्नुहुनेछ ।
Aakash Chhetri is a Nepali fact-checker with nearly ten years of experience. He has worked with some of Nepal’s best digital media outlets, including Annapurnapost, Ekagaj, Nepal Khabar and Pahilopost. Before joining Newschecker, he worked as a desk editor for Nepal’s most prominent daily – Naya Patrika. Chhetri is passionate about debunking fake news that has started growing in threatening proportions with the proliferation of social media outlets.
